Anhýdrít gólfílögn
Anhýdrít er gifsbundið (kalsíumsúlfat) gólfílagnarefni með hámarks kornastærð Dmax = 8mm. Þetta efni uppfyllir ÍST EN 13813 staðalinn og fæst hjá okkur í styrkleikaflokkunum C20 til C30. Ef þú vilt leggja í stærri gólf án samskeyta þá gæti þetta efni verið rétta lausnin. Vegna tiltölulega lítillar rýrnunar er oftast hægt að leggja efnið án samskeyta. Ef þú ert að leita að gólfílagnarefni sem auðvelt er að leggja, þá eru anhýdrít-lausnirnar okkar rétti kosturinn.
Efnið hefur framúrskarandi hitaleiðni og hentar því sérstaklega vel ef þú þarft að leggja í gólf með hitalögn. Ef krafist er hljóðeinangrunar þá er eiginleiki þessa efnis betri en sementsbundið gólfílagnarefni. Síðast en ekki síst, þornar anhýdrít hraðar en sementsbundið gólfílagnarefni. Sem gerir það að verkum að anhýdrít gólf verða fyrr tilbúin fyrir gólfefni eins og parket og flísar. Anhýdrít hentar ekki vel fyrir rými með hátt rakastig vegna þess að gifs þolir illa vatn.
Við afhendum anhýdrít-gólfílögn í steypubíl og dælum henni með sérhæfðri dælu.
Sjá nánari upplýsingar