Önnur uppsteypun Hvítárbrúarinnar
Dagana 1. og
2. september var seinni steypa, þ.e. 1464 m³ steyptir í Hvítarbrúna. Var
svipað ferli í gangi og við þá fyrri, en að verkinu núna komu 23 steypubílar, 20 frá
Steypustöðinni og 3 voru fengnir hjá BM Vallá ásamt bílstjórum. Tvær dælur voru
notaðar við dælinguna.
Á Selfossi
voru framleiddir 1314,5 m³ en í Reykjavík 150 m³ og var þessi steypa keyrð í 196 ferðum.
Steypuframleiðsla
hófst í báðum stöðvum kl. 06:30 þann 1. september og var síðasti bíll lestaður
frá Selfossi kl. 14:00 þann 2. september.
Á steypustað
var einmuna veðurblíða allan tímann og gekk allt eins og best var á kosið.
Myndirnar tala sínu máli
Fyrsta uppsteypun Hvítárbrúar
Föstudaginn
6. nóvember og fram á laugardag þann sjöunda var farið í það stóra verkefni hjá
Steypustöðinni að keyra og dæla steypu í fyrri hlutann á dekk brúarinnar
yfir Hvítá við Flúðir. Verkkaupi er Jáverk ehf sem sér um byggingu brúarinnar. Að steypustað, sem er vestan megin Hvítár, eru
alls 180 km frá Reykjavík fram og til
baka og um 90 km frá Selfossi fram og til baka. Alls voru eknar 255
ferðir, 115 úr Reykjavík og 140 frá Selfossi. Keyrt var á
22 bílum frá Steypustöðinni og 10 voru leigðir frá BM Vallá. Mikill fjöldi manna
kom að verkinu eða allt að 120 manns. Fjöldi rúmmetra var að verki loknu alls 1905
m3 sem keyrðir voru á milli staða þennan sólarhring.
Verkefnið byrjaði
kl. 04:00 að morgni föstudags og var keyrt á vöktum til kl. 07:00 á laugardagsmorgninum. Þarna var að verki einvalalið manna sem eiga mikið hrós skilið. Vonum við og vitum að þetta
verður mikil samgöngubót fyrir íbúa sveitarinnar sem og þá fjölmörgu ferðamenn
sem ferðast um uppsveitir Árnessýslu. Óskum við hjá Steypustöðinni þeim til
hamingju með þessa stórkostlegu samgöngubót þegar hún kemst í gagnið á vordögum
og erum stolt af að hafa tekið þátt í þessu verkefni.